(Update)CAGAYAN DE ORO CITY – Napun-an pa ang mga lugar nga gipaubos sa state of calamity sa probinsya sa Misamis Oriental.
Kini gumikan sa epekto gihapon sa dautang panahon nga mihatag sa mga pagbaha ingon man pagdahili sa yuta nga mi-resulta pagbakwit sa libuang pamilya ug pagguba sa mga balay sa lalawigan.
Miingon si Provincial Information Officer Roy Waga nga kabahin sa naka-state of calamity ang lungsod sa Talisayan,Medina ug Gingoog City.
Siya miingon nga sa 9-mil 111 ka pamilya nga nahikling gikan sa duha ka syudad ug lungsod,618 na lamang kanila ang wala pa makauli sa ilang mga puy-anan.
Gikompirmar usab niini nga anaa sa 383 ka balay ang nabahaan diin 55 ang hingpit naguba sa pagbaha.Mitala usab sa usa ka residente ang namatay ug dunay tulo ang samaron sa Gingoog City.
Una usab niini,mihimo sa ocular inspection si Provincial Gov. Peter Unabia sa mga grabeng apektadong lungsod ug syudad sa lalawigan aron moha-om ang itunol nga ayuda o tabang ngadto kanila.
