CAGAYAN DE ORO CITY-Gipaubos na sa bartolina ang tulo ka high profile inmates o piniriso nga suspek pagdunggab ug pagkulata kang kanhi PO3 Alejandro Ubanan sulod sa Misamis Oriental Provincial Jail ning syudad.
Kini human gitumbok ni Provincial Jail Warder Dominador Tagarda ang mga piniriso nga nag-apelyido’g Palamine,Balcueba ug Ramoso nga mga suspek pagdunggab ug pagbunal sa bato sa ulo ni Ubanan sa miaging Domingo sa hapon.
Miingon si Tagarda gipaubos sa heart operation si Ubanan tungod sa igo sa icepick nga gidunggab kaniya.
Si Palamine ingon man si Ramoso ang pulos nagbaton sa kasong murder samtang si Balcueba ang nag-ubang usab sa rape case sa korte ning lalawigan.
Samtang kasuhan sa frustrated murder ang tulo ka piniriso nga mitabang pagdunggab ug kaluta ni kanhi PO3 Alejandro Ubanan sulod sa compound sa provincial jail ning syudad.
Miingon si Provincial Jail Warder Dominador Tagarda nga abagan nila ang kapikas ni Ubanan aron mahataga’g hustisya ang bana niini nga anaa pa sa Northern Mindanao Medical Center.
Gitakdang itugyan ang mga suspek sa city jail sa oras nga sila kasuhan aron usab malikay kini sa pagdumot sa ubang mga piniriso sa provincial jail.
Si Ubanan ang dunay kasong kidnapping kauban ang laing upat ka pulis tungod sa pagka-missing sa negosyanteng si Enrique Fernandez III sa syudad sa tuig 2016.
