CAGAYAN DE ORO CITY-Gialerto na karon sa PAG-ASA ang katawhan nga nanimuyo sa mga probinsya nga ubos sa Northern Mindanao.
Kini human nagkakusog ang bagyong Vinta nga gitakdang mohimo’g paglandfall karong adlawa o Biyernes sa buntag sa Mindanao.
Sa pagkakaron,ubos na sa public storm signal no.1 ang Cagayan de Oro City,Misamis Oriental,Bukidnon ug Camiguin.
Nasayran nga ang maong bagyo ang nagbaton na sa 65 kilometros kada-oras nga gingkusgon sa hangin ug may paghuros nga 80 kilometros kada-takna diin ulahing nasiplatan sa Hinatuan,Surigao del Sur.
Hisayrang molagpak ang mata sa bagyong Vinta hayan unya sa gabii o kadlawon sa adlaw’ng Biyernes sa Caraga-Davao regions.
