CAGAYAN DE ORO CITY – Napahuyang pa sa tropa sa militarr ang kalihukan sa Communist Party of the Philippines -New People’s Army o CPP-NPA dihang gika-engkuwentro nila ang pipila ka sakop niini sa Sitio Bagong Silang.Brgy Malna,Kapai, Lanao del Sur.
Miingon si 103rd IB,Philipine Army commander Brig Gen Yegor Rey Barroquillo Jr nga maoy gika-engkuwentro sa 55th IB ubos ni Lt Col Anthony Caro ang puwersa sa sub-regional committee 5 sa North Central Regional Mindanao Committee nga milungtad sa 15 minutos.
Sa maong engkuwentro,tulo sa unom ka sakop sa mga rebelde ang napatay nga naglakip kanila ni Rochie Singaman alyas Jan-Jan; Wendy Luis alyas Habe ug Hernan Gainalang alyas Jamer.
Nakompiskar gikan sa mga patay’ng lawas sa mga rebelde ang duha ka M-16 rifles;M653 rifle;M-14;nagkadaiyang mga bala ug personal nga kagamitan niini.
Miapelar si 1st ID Tabak Division Philippine Army commander Maj Gen Gabriel Viray III sa mga nabiling mga rebelde sa kabukiran nga mobalik na sa gobierno aron manginabuhing normal kuyog sa ilang tagsa-tagsa ka pamilya.
