CAGAYAN DE ORO CITY-Gitahan sa tulo ka miembro sa rebeldeng New People’s Army ang ilang high powered firearms human makahukom nga mobiya na sa rebolusyonaryong kalihukan diha sa Brgy Kalabugao,Impasug-ong,Bukidnon.
Mibalik na sa sabakan sa gobyerno ang NPA members nga sila si alyas Dave, 22;alias Darwin, 28 ug alias Aidel, 25 nga pulos taga Bukidnon.
Dala sa mga rebelde sa ilang pagtahan ang M79 grenade launcher;Uzi sub-machine gun at .22 revolver ingon man mga bala.
Nagtoo ang kasundaluhan nga mitahan ang mga rebelde nunot na sa gipatuman sa Armed Forces of the Philippines nga community support program.
Nasayra nga mismo si 4th ID commander Maj Gen Ronald Villanueva ang pag-aghat sa mga rebelde nga dalion ang pagtahan balik sa gobierno aron mahatagan sila sa maayong programa alang sa mga panginabuhian niini.
