CAGAYAN DE ORO CITY – Napatay sa hiniusang operasyon sa militar ug kapolisan ang magtiayong sakop sa rebeldeng New People’s Army o NPA sa laing hugna sa engkuwentro sa Barangay Odionangan,Gingoog City,Misamis Oriental.
Kini human ilusad sa AFP ug PNP ang intelligence operation agi’g follow up combat peneration sa unang engkuwentro nga natigayon sa lugar.
Gibutyag ni Lt Theofratus Pia,tigpamaba sa Misamis Oriental Provincial Police Office nga narekober gikan sa mga namatay ang granada ug kalibre 45 nga armas.
Dako ang pagtoo sa mga otoridad nga kauban kini sa 20 ka sakop sa Guerilla Front Huawei sa CPP-NPA nga unang gika-engkuwentro sa 58th IB sa lugar nga unang gikamatay sa usa ka sakop niini ug pagkakuha sa duha ka M-16 rifles.
