CAGAYAN DE ORO CITY – Masaligon si 58th IB commander Lt Col Ricky Canatoy nga madugangan pa ang ihap sa mga rebeldeng New Peoples Army o NPA nga motahan sa militar ubos sa iyang area of responsibility.
Kini alayon na sa boluntaryong pagbalik sa sabakan sa gobyerno sa tulo ka NPA fighters bitbit ang ilang nagkadaiyang klase sa armas kagahapong adlawa.
Giila ni Canatoy ang mga surrenderee nga sila si alias Eching, member sa Platoon Samsung, Guerilla Front Huawei, Subregional Committee 1 dala ang iyang M16 rifle ug cal. 45 pistol; Alias Jundel, miyembro sa milisya ng bayan sa sa SRC1 dala ang iyang M1 garrand rifle ug alias Carpo, kanhi miyembro sa Guerilla Front 4A.
Gipasalig ni Canatoy nga maka-benepisyo sa Enhanced Comprehensive Local Integration Program ang tulo ka returnees.
