CAGAYAN DE ORO CITY- Mitahan balik sa gobierno ang tulo ka miembro sa rebeldeng New People’s Army o NPA sa 8th IB,Philippine Army sa Impasug-ong,Bukidnon.
Kini dungan sa pagbisita nila ni Eastern Mindanao Command commander Lt Gen Felimon Santos Jr;4th ID,Philippine Army Maj Gen Franco Nemesio Gacal ug 403rd IB commanding officer Brig Gen Edgardo de Leon sa tropa ni 8th IB officer Lt Col Ronald Ilana.
Giila ni Illana ang mga mitahan nga si alyas Marben, 17 anyos sa Militia Ng Bayan ug iyang igsoon nga si alyas Rodel,19 kinsa regular member sa Company Malayag, Sub-regional Committee 2, North Central Mindanao Regional Command.
Mitahan usab si alyas Ryan, 26 anyos nga former supply officer sa Sentro De Grabidad Dario sa NCMRC.
Gidala sa pagtahan sa maong mga rebelde ang kalibre 45;Garrand ug carbine nga pulos may mga bala.
