CAGAYAN DE ORO CITY – Tulo katawo ang patay samtang duha ang naluwas sa pagkalumos sa Dela Paz Beach, Purok 4, Barangay Dela Paz, Panaon, lalawigan sa Misamis Occidental.
Gibutyag ni Police Staff Sgt. Clyde Cabania, investigating officer sa Panaon Police Station nga pulos mga minor de edad ang nalumos patay.
Giila ang mga namatay nga sila Dave Paul Andos, 6 anyos, Christy Ann Laride, 17, ug Lexter John Ongcol, 18.
Samtang, malampusong naluwas sa pagkalumos sila Mersal Laride, 9 anyos ug Bea Bolanios, 15 kinsa padayong gitambalan sa Jimenez Medicare Community Hospital.
Subli nagpadumdum ang kapulisan sa tanan mga ginikanan nga bantayan ang mga bata sa pagligo sa dagat.
Hisayran nga sa miaging tuig, laing ihap sa mga batan-on ang nalumos sa susamang resort tungod kay napadulong kini sa kantilado nga bahin sa dagat.
