Namatay ang tolo ka indibidwal ug laing lima ang angol sa lihok protesta nga gipahigayon sa Makassar, Indonesia.
Subay sa report, gisunog sa mga demonstrador ang regional parliament building.
Ang kagubot misugod human sa pagkamatay sa usa ka ride-hailing driver nga nabanggaan sa police armored vehicle atol sa protesta sa Jakarta, nga nagpasuko sa publiko.
Ang sunog nahitabo samtang adunay sesyon sa building, ug pipila sa mga biktima giingong na-trap sa sulod.
Kini nga insidente giisip nga unang dakong hagit sa administrasyon ni Presidente Prabowo Subianto, nga bag-o pa lang mipungko, samtang nagpadayon ang mga demonstrasyon sa daghang dakbayan sa Indonesia.
