CAGAYAN DE ORO CITY-Patay ang magsoong lalaki ingon man ang driver sa motorsiklo nga ilang gisakyan sa Barangay Lonokan,Manolo Fortich,Bukidnon.
Giila ang mga namatay nga si Joril,18 ug Jesyrel Colao,11 anyos ingon man si Joric Alai nga tanan residente sa Barangay San Miguel sa maong lungsod.
Miingon si SPO1 Larry Eco,traffic investigator sa Manolo Fortich Police Station nga pauli na ang mga biktima dihang nasugat niini ang kusog-dagan nga Toyota Hi-Ace gikan sa Davao City padulong sa Cagayan de Oro City dihang nahitabo ang aksidente.
Dugang ni Eco nga unang nasugat sa Hi-Ace nga gimaneho ni Pablo Go Jr nga taga-Saranggani Province ang ‘tri-cab’ apan nakalikay kini hinungdan nasungag agn motorsiklo nga gisakyan sa biktima.
Ipasaka usab ang kasong reckless imprudence resulting to multiple homicide ug damage to property batok suspek sa piskalya sa Bukidnon.
Una niini,miabot pa sa Puerto Police Station sa Cagayan de Oro City ayha mitahan ang suspek ug gilayon usab nga gihatod pabalik sa Manolo Fortich Police Station.
