CAGAYAN DE ORO CITY-Patay ang tulo ka tawo sa bangga sa Pambama passenger bus ug motorsiklo sa national highway sa Kinoguitan, Misamis Oriental.
Giila ni Kinoguitan Mayor Danilo Lagbas Jr ang magsoong biktima nga si Berlo ug Junio Calio ingon man Lolong Valmoria nga pulos nagpuyo sa Brgy Sumalag sa maong lungsod.
Miingon si Lagbas pauli na gikan nagtambong ug kasal ang mga biktima dihang nasugat nila ang bus hinungdan sa head-on collision.
Gidala pa ang magsoon sa ospital sa Talisayan apan nakabsan gihapon sa kinabuhi.Gimanduan ang kapolisan pag-imbestigar sa maong hitab sa miaging Sabado sa hapon.
