CAGAYAN DE ORO CITY – Tolo ang kompirmadong patay, ug siyam ang samaron sa pagkahulog sa van sa bakilid nga bahin sa dalan sa Sitio Sipaka, Mambajao,Camiguin, adlaw’ng Sabado.
Gikompirmar sa Camiguin Provincial Disaster Risk Reduction and Management Council kon PDRRMC nga usa ra sa siyam ka mga pasahero nga samaron ang gisulod sa intensive care unit kon ICU, tungod kay kini seriously injured sa pagkabali sa iyang spinal chord.
Giila ni Jejomar Bollozos, ang hepe sa PDRRMC-Camiguin ang mga namatay sa car crash nga sila Julie Ann Mae Oliba, Jobert de Asis ug Ian Umalili.
Samtang, milagro nga walay tatsa sa lawas sa 4 anyos nga bata nga sakay sa van ug laing tolo ka pasahero.
Una niini,gitin-aw ni Bollozos, nga 13 pasahero ang naka survive disgrasya.
