CAGAYAN DE ORO CITY – Patay ang 3 ka tawo sa dunggu-ong panagbangga tali sa passenger van ug trak de karga sa Sitio Bulotano,Brgy Lantay,Pangantucan,Bukidnon.
Subay sa report,inisyal giila ang mga biktima nga sila Sonia Bangit,47 anyos;babayeng menor de edad nga pulos pasahero ug mismong van driver nga si Argon Bangit,58 anyos nga mga residente sa Brgy Barandias sa maong lungsod.
Gitambalan pa usab ang trak drayber nga si Bryan Benachay nga Brgy Adtuyon ug 20 anyos nga si Sayson Alquizar.
Nasuta nga nawad-an sa preno ang trak nga kargado sa mga tubo nga gikan sa pa sa munisipyo sa Maramag ug padulong sa lungsod sa Kalilangan hinungdang nasungag ang passenger van ug nahulog pa sa habog nga tulay.
Detinado si Benachay ug gihikay na ang mga dokumento alang sa pagpasaka’g kaso ngadto sa piskalya kabahin sa hitabo.
