CAGAYAN DE ORO CITY – Patay ang tulo ka tawo nga gilangkuban sa duha ka bata samtang angol usab ang laing duha sa gbangga sa motorsiklo ug trak sa Purok 9, Brgy Nangka, Villanueva,Misamis Oriental.
Giila ang namatay nga si Raymondo Pagulayan, 58 anyos, driver sa motorsiklo, Rizza Pagulayan, 8 anyos ug Iirsh Bonos nga dos anyos pa lamang.
Samaron usab sila si Nieves Ermita, 67 anyos ug ang 20 anyos nga si Rezza Pagulayan.
Sumala ni Villanueva Police Station investigator Chief Master Sgt Teody De Oro motambong sa reunion sa lungsod sa Claveria ang mga biktima nga sakay sa motorsiklo dihang pag-abot sa kubarba nawad-ag kontrol ang driver.
Kini ang hinungdan mibangga ug mipasok sa ilalom sa kasugat nga Isuzu Figter Mitsubishi diin gimaneho ni Yorme Opaon, 47, residente sa Brgy Patrocenio, Claveria.
Dead on the spot ang duha ka bata ug daling nadala sa ospital ang driver apan gideklara sa mga doktor nga patay.
Miingon si De Oro nga may himoong amicable settlement ning adlawa ang driver sa trak ug pamilya sa mga biktima.
