CAGAYAN DE ORO CITY – Gipangita karon sa kapolisan ang mga suspek sa pagpusil-patay sa tulo ka babaye samtang usa ang samaran sa Brgy Taden, Tubod,Lanao del Norte.
Giila ni Police Chief Master Sargeant Laudemer Ceniza,imbestigador sa Tubod Police Station ang mga biktima nga sila si Emilda Rom,40; Ethel Panes,41 ug Chery Opay,53 ug samaran nga si Michael Panes, pulos residente sa Baragay Tabigue, Kolambugan sa maong probinsiya.
Si Ceniza miingon nga gipusil ang mga biktima sa duha ka wala mailang lalake gamit ang Garand rifle;Carvine ug 9mm pistol samtang nag-istorya.
Wala pa makontento ang mga suspek, ilang gisudlan sa balay ang kapikas ni Ethel nga si Michael ug gipusil.
Kabahin sa anggulo nga gilantaw nga motibo sa krimen ang personal grudge ug love triangle.
