CAGAYAN DE ORO CITY – Gihulat karon sa kapolisan ang hukom sa mga pamilya sa mga namatay’ng motorista nga mibangga sa nakaparada nga ten wheeler truck diha sa Brgy Matangad,Gitagum,Misamis Oriental.
Kini human mitahan ang truck driver nga si Edesio Cabusas,56 anyos nga nagpuyo sa Salvador, Lanao del Norte pipila ka minutos gikan sa aksidente.
Miingon si Police Lt Princess Joy Enriquez,tigpamaba sa Misamis Oriental Provincial Police Office nga mismo ang gisakyang motorsiklo nga gisakyan ni Jecris Jamis ang mibangga sa truck nga nagpadaplin lamang sa highway niadong tungura.
Nadala usab sa ospital ning syudad sila si Filsant Tagarda ug John Carl Maagad nga naka-backride kang Jamis apan nangamatay gihapon samtang giatiman sa mga doktor.
Gihatagan usab sa medikasyon si Clint Ivan Tagarda nga kabahin sa nakaangkas kang Jamis.
Mag-atubang sa kasong reckless imprudence resulting into homicide ug physical injury ang atubangon sa suspek kon dili madala sa panagsabot-sabot.
