CAGAYAN DE ORO CITY – Misaka na sa tulo ka Pinoy ang namatay gumikan sa coronavirus disease o Covid-19 sa Espanya.
Apan nagtoo si Spain Pinay correspondent Madelyn Basilio nga dako ang posibilidad nga mosaka pa ang ihap sa mga Pinoy casualties tungod kay wala pa mareport ang uban sa embahada sa Pilipinas.
Si Basilio miingon nga maoy namatay gumikan sa virus ang madre nga Pinay nga si Maria Gratia Balagot, 71, usa ka tigbantay ug 83-anyos nga senior citizen.
Siya miingon nga paspas ang pagsaka sa kaso sa Covid-19 sa Espanya gumikan sa kagahi’g ulo sa mga Espanyol.
Nabalaka ang Pinoy workers kay walay ayuda o rasyon ang gihatag kanila sa gobyerno.
Giggamit na lamang nila ang ilang tinigom nga salapi ug mangita’g diskarte aron makakaon. Una nang gipaubos ang Spain sa estado de alarma o state of alarm gumikan sa Covid-19 pandemic.
