Wala pa’y gitaho ang Dept of Foreign Affairs o DFA nga adunay mga Pinoy nga kabahin sa namatay sa pagtay-og sa 7.7 magnitude nga linog sa Mandalay,Myanmar.
Kini subay sa nakuha nila nga impormasyon kabahin sa kahimtang sa mga Pinoy nga nanarbaho sa kabus nga nasud.
Miingon si DFA Undersecretary Eduardo de Vega nga distansya ang lokasyon sa mga Pinoy sa sentro sa linog ug wala nakabasi sa mga tag-as nga gambalay.
Siya miingon nga walay hunong ang monitoring sa embahada sa 600 ka documented Filipino workers nga nanarbaho sa military junta controlled nga nasud sa Myanmar.
Una niini,mitala na sa mil-600 ka tawo ang kompirmadong patay sukad mitay-og ang pinakakusog nga linog sa maong nasud.
Apan sukwahi sa gisulti sa gobierno sa Pilipinas, adunay pipila ka Pinoy workers nga apektado ug pabiling missing sa lokasyon diin grabeng naigo sa 7.7 magnitude nga linog sa Myanmar.
Kini ang gisaysay sa magtutudlong Pinoy nga si Julito Layno Jr nga emsoyonal nga nagsaysay sa iyang kasinatian sa Bombo Radyo Philippines sa maong trahedya.
Miingon si Layno nga igo lang gabagting ang mga teleponon sa maong mga Pinoy apan walay gatubag hangtod ning panahona.
Kini ang rason nga nabalaka na ang Filipino community sa Myanmar kabahin sa gidangatan sa pipila ka Pinoy nga pabiling walay kontak sa ilang mga pamilya ning panahona.
