CAGAYAN DE ORO CITY – Gipasalig sa kapolisan nga hayan dili madugay ug mahatagan na’g sulbad ang kamatayon sa gitoohang sakop sa LGBTQ plus nga nakit-an ilawom sa kama sulod sa inn sa Brgy 7 ning syudad.
Kini human itug-an ni Divisoria Police Station commander Major Peter Tajor nga nagbaton na sila sa pangalan sa tulo ka batan-ong lalaki nga gikauban sa biktima sa pagpanulod sa maong inn sa miaging semana.
Miingon si Tajor nga persons of interest ang maong mga bata-on ug kamulo ang ilang pagpangita niini aron ipapanubag sa kremin.
Gihulat usab nila ang resulta sa otopsiya sa patay’ng lawas sa biktima.
Gikompirmar usab niini nga dunay foul play sa kamatayon niini.
Una nang nadiskobre sa roomboys sa Beatrice Inn ang biktima nga gihiktan ang mga tiil gamit ang tuwalya ug gitaguan ilalom sa kama.
Hisayrang nanglugwa usab ang impormasyon nga trabahante sa gobierno ang biktima.
