CAGAYAN DE ORO CITY-Paphaon sa Provinicial Police Office o PRO-10 ang tulo ka aktibong pulis nga gihimong escorts sa pipila ka politiko nga walay pagtugot sa Commission on Elecitons o Comelec.
Kini tungod kay tataw nga nakahimo sila’g moonlighting nga dakong kasupakan sa ilang propesyon.
Gibutyag ni PRO-10 spokesperson Police Lt Col Surki Serenias nga naggikan sa Iligan City ang maong mga pulis kinsa nasapon nga nag-escort sa usa ka mayor ug nakuhaan sa illegal nga armas.
Apan gitin-aw niini nga wala pa sila makadawat sa kopya sa report sa Philippine National Police Internal Affairs Service nga pito ka pulis nga naggikan sa Region 10 ang posibleng wad-on sa serbisyo tungod sa pagsupak sa PNP ug Comelec protocol.
