CAGAYAN DE ORO CITY – Giatubang sa upat ka dinakpan sa pagpayuhot sa gidiling droga ang kasong pagsupak sa Comprehensive Dangerous Act of 2002 sa piskalya ning syudad.
Nadakpan pinaagi sa hiniusang operasyon drug buy bust operation sa Philippine Drug Enforcement Agency 10 ug Lumbia Police Station ang upat ka suspek sulod sa nabungkag nga suyupanan sa Brgy Lumbia sa dakbayan.
Miingon si PDEA 10 regional director Atty. Benjamin Gaspi nga naila ang mga dinakpan nga sila alyas Al kinsa drug den maintainer ingon man ang mga bisita nga sila alyas Ford,alyas Jov ug alyas JJ nga tanan nagpuyo sa maong brgy.
Nakomspikar gikan sa mga dinakpan ang 10 gramos nga gitoohang shabu nga adunay kantidad nga 68-mil pesos.
