CAGAYAN DE ORO CITY, Philippines – Posibleng ipa-ubos sa Tropical Cyclone Wind Signal No. 1 ug 2 ang Northern Luzon, Region 2, Cordillera Administrative Region, Region 4-A ug Bicol Region epekto sa pagduol sa mata sa Bagyong Leon sa este nga porsyon sa Luzon u Visayas.
Ulahing nasiplatan ang mata sa bagyo sa gila-ong 950 km Sidlakang bahin sa Northern Luzon.
Dala sa bagyo ang pinakakusog nga huyop sa hangin (maximum sustained winds) nga muabot sa 75km matag oras, duol sa sentro, ug paghaguros nga muabot sa 90km matag oras.
Mi-abante ang dautang panahon sa Kasadpang direksyon, o pasaka sa nasud sa Taiwan sa kapaspason nga 20km matag oras.
Ning orasa, lauman ang 4 metros nga pagbalod tungod sa trough sa Bagyo ang coastal areas sa Palawan, Romblon, Catanduanes, Sorsogon, Masbate, most of Visayas, Dinagat Islands, Surigao del Norte, ug Camiguin.
Samtang 2 metros nga gitas-on sa balod ang masinatian sa Batanes, Babuyan Islands, Batangas, MIMAROPA, Bicol Region, Visayas, pipila coastal barangay sa Northern Mindanao, ug Caraga Region.
REGIONAL FORECAST:
Ang syudad sa CAGAYAN DE ORO makasinati sa 50% chance of rain sa buntag lamang ug laing 30% chance of rain sa pagkahapon o gabie. Muabot sa 10km matag oras ang labing kusog nga huyop sa hangin. Ang sukod sa temperatura 24-31 °C. Ang heat index musukod sa 38°C.
Ang Visayas Area magbaton sa 42% chance of rain sa hapon ug gabie.
Kasarangan padulong sa kusog ang huyop sa hangin nga muabot 24km matag oras. Ang sukod sa temperatura 25-32 °C. Ang heat index muabot sa 39°C.
Ang Manila – NCR makatagamtam sa 24% chance of rain sa hapon o gabie. Dala niini ang 14km matag oras nga huyop sa hangin. Ang general temperature sa rehiyon muabot sa 25-32 °C. Ang heat index musukod sa 39°C..
SUNRISE: 5:30
SUNSET: 5:20
