CAGAYAN DE ORO Dugang tolo ka mga sakop sa rebeldeng New Peoples Army ang dungan nga nagsurrender sa kampo sa 58IB sa Claveria, lalawigan sa Misamis Oriental.
Giila ang mga nagsurrender nga sila alyas Kiwan, Jaydams ug alyas Anak nga mi-angkong pulos sakop sa Sub-Regional Committee Front 1 nga nakabase sa Sitio Migbanday, Poblaccion Claveria, ning lalawigan.
Bitbit sa mga rebel returnees ang M-16 rifle, usa ka M1 Carbine, ug usa ka cal. 45 nga armas.
Mismo si Datu Kailangan, usa ka lumad lider sa maong lugar ang mi-turnover sa mga rebel returnees sa pasilidad sa 58IB.
Silang tanan gipaubos na sa Enhanced Comprehensive Local Integration Progam (E-CLIP).
