CAGAYAN DE ORO CITY – Kasuhan sa pagbaligya’g ilegal nga droga ingon man paggamit niini ang tulo ka magbarkada nga nasikop sa anti-illegal drug buy bust operation diha sa Accreation,Brgy Macabalan ning syudad.
Kini human naaresto ang mga suspek nga sila si Jack Jojo Abonitalia,Clint Elizalde ug Anthony Sebial nga pulos nagpuyo sa maong lugar.
Miingon si City Police Director Col Henry Dampal nga maoy target sa operasyon si Abonitalia kinsa no.10 most wanted person ubos sa kapolisan sa syudad.
Nasikop usab sila si Elizalde ug Sebial nga akto nasapon nga naggamit sa ilegal nga droga sa pinuy-anan ni Abonitalia.
Nakuha gikan sa mga suspek ang drug paraphernalia ug mga bala sa gitoohang 45 ng armas gikan kang Abonitalia kinsa nakiggukod pa sa mga pulis ayha hingpit nadakpan.
