CAGAYAN DE ORO CITY-Nasikop sa buy bust operation ang tulo ka suspek nga nagpayuhot sa gidiling droga diha sa Brgy Macabalan ning syudad kagahapong adlawa.
Gibutyag ni SPO2 Jigger Rojo sa City Drug Enforcement Unit o CDEU sa kapolisan ning syudad nga maoy ilang nasikop ang target nga si Abdullah Pumal nga nagpuyo sa maong lugar.
Nasikop usab atol sa operasyon ang laing duha ka suspek nga sila si Mark Jayson Clarin ug Ernesto Yakit kinsa kanhi Tokhang responder sa syudad.
Nakuha gikan sa target suspek ang nagkadaiyang gindak-on sa sachets sa gitoohang shabu atol sa opearsyon.
Una niini,namugos ang suspek nga wala siya malambigit sa ilegal nga kalihukan sukwahi sa pasangil sa kapolisan.
