CAGAYAN DE ORO CITY-Tingkagol sa prisohan ang gikonsiderar nga suspected bigtime supplier sa druga ning dakbayan.
Giila ni Sr/Insp Maricris Mulat,hepe sa Detective Management Desk ang dinakpan nga si Jamila Saripada Mamarugong, 29 anyos ug lumad nga taga Purok 5 Western Wao,Lanao del Sur.
Nadakpan pinaagi sa drug buy bust operation si Mamarugong sa Brgy Tablon kagahapon sa hapon.
Nakuha sa iyang posisyon ang 7.5 gramos sa gitoohang shabu nga dunay estimated market value nga kapin kun kulang P50-mil.
Gitin-aw ni Mulat nga nakuha nila ang tanan detalye sa shipment sa shabu sa maong dinakpan pinaagi sa mga gagmay’ng pusher nga nagtingkagol na daan sa Maharlika Detention Center.
Samtang dakpan usab ang duha ka “tokhang surrenderees” sa drug bust operation sa Brgy Carmen ning syudad kagahapon sa hapon.
Giila ni Carmen Police Station commander C/Insp Ritchie Salva ang mga suspek nga sila Elda Suwezo ug Daryl Sabellita Dumluan nga pulos nagpuyo sa Vamenta Blvd sa syudad.
Balor 2-mil pesos sa gitoohang shabu ang nakuha sa duha ka suspek.Gitakdang kasuhan pagbaligya’g gidiling droga ang mga suspek sa piskalya ning syudad.
