Arestado ang tulo ka suspek nga pulos residente sa Misamis Oriental ug Bukidnon, sa gilusad nga drug buybust operation sa bandang 11:53 sa gabie, sa Zone 3, Barangay Taboc, Opol, Misamis Oriental.
Sa gilusad nga body search, narekober sa ilang posisyon ang pito ka gramo sa gituohang shabu nga gibanabana ang kantidad sa ₱47,600.
Lakip nga narekober ang marked money ug mga coin purse.
Ang operasyon gihimo pinaagi sa pre-ops coordination sa PDEA, ug ang mga suspek gidala na sa Opol Municipal Police Station alang sa hustong disposisyon.
Namahayag si PBGen Rolindo Suguilon, Regional Director sa PRO10, nga dili muhunong ang kapulisan sa ilang kampanya batok ilegal nga droga.
Gidasig usab niya ang katawhan nga magtinabangay aron magpadayon ang kalinaw ug kaluwasan sa Northern Mindanao.
