CAGAYAN DE ORO CITY – Mag-atubang sa kasong pagsupak sa Comprehensive Dangerous Drugs Act of 2002 ang tulo ka suspected drug pushers nga nadakpan sa magkalahing higayon sa Misamis Oriental ug Bukidnon.
Giila ang mga dinakpan nga sila alyas Parak,49 anyos,jeep driver nga nagpuyo sa Brgy Bugo ning syudad apan nadakpan sa Brgy Solana,Jasaan,Misamis Oriental.
Nakompiskar gikan kang Parak ang 50 gramos sa gitoohang shabu nga balor 340-mil pesos.
Samtang nasakote usab sa kapolisan ang duha ka laing durugista nga kay nabawian sa 80 gramos nga gitoohang shabu sa Maramag,Bukidnon.
Matud sa Police Regional Office 10 nga maoy target sa operasyon si alyas Juvan,32 anyos ug alyas Angel nga bag-o pa sa kalihukan nga pulos nagpuyo sa lugar.
Gawas sa balor 544-mil pesos nga nakompiskar nga gitoohang shabu,nabawi usab ang ubang drug paraphernalia.
