CAGAYAN DE ORO CITY – Gikasuhan sa smuggling ang tulo ka tawo nga suspek sa pagpalusot sa balor uno milyon pesos nga sigarilyo sa Brgy Southern Looc,Plaridel,Misamis Occidental.
Kini human unang nasikop ang mga suspek nga si Hesam Latip,Erven Rey Jocson Dulang ug Crisjay Tillo pulos hingkod ang panuigon ug nagpuyo sa Dipolog City sa quarantine control point sa maong lugar.
Miingon si Plaridel Police Station commander June Jose Booc nga gipindutan sila nga may moagi kontrabando sa iyang area of responsibility hinungdan gilayon sila mihimo sa pakisusi.
Una nang gipatoo sa mga suspek nga oil products ang karga panel van nga gimaneho ni Latip apan kinarton nga mga sigarilyo nga walay dokumento ang tuyo ipalusot niini.
