CAGAYAN DE ORO CITY – Nadawat na sa mga pamilya nilang 1Lt. John Carl Morales nga taga Kabacan, North Cotabato; Cpl. Philip Apao nga taga Don Carlos, Bukidnon; ug PFC. Kevin Sisban ng Linamon, Lanao del Norte ang tseke nga nagbalor sa tag P1-milyon human mamatay samtang nakigiyera sa mga sakop sa Maute ISIS terror group sa Marawi City.
Personal nga gitunol ni AFP Chief of Staff Eduardo Año ang mga tseke ngadto sa mga nahibiling pamilya.
Gisaad ni Año nga mahatagan sa libreng edukasyon ang mga anak sa 53 ka mga samaron ug 3 ka killed-in-ation nga mga sundalo hangtud kolehiyo.
Gani, wala na mihatag ug impormasyon ang 4th ID kung asa gikan ang minilyon kantidad sa salapi nga nahatagan sa mga KIA nga mga sundalo.
Subli, gipamugos sa hepe sa armadong kusog sa Pilipinas nga hapit na mahuman ang kagubot sa labing dakung Islamic City sa Lanao del Sur.
