CAGAYAN DE ORO CITY, Philippines – Gibasura na sa korte sa Argentina ang mga kaso batok sa tulo ka giingong suspek nga adunay kalambigitan sa pagkamatay sa kanhi miyembro sa One Direction nga si Liam Payne.
Gi-wad-ag sala sa korte sila Rogelio Nores, usa ka negosyanteng Argentinian nga adunay US citizenship ug kauban ni Payne sa Buenos Aires; lakip ang manager sa CasaSur Hotel nga si Gilda Martin ug si Esteban Grassi, ang main receptionist ni Payne.
Taliwala sa ruling sa korte, padayong gikustodiya sa kapulisan ang duha sa mga suspek, kay sila man ang gitumbok nga namaligya sa ilegal nga druga sa British Boyband Star.
Mahinumduman nga nahulog sa balkonahe sa hotel ang 31-anyos nga si Payne ug migawas ang iyang toxicology test nga siya mikonsomo sa alcohol, cocaine, ug antidepressant sa pagkahitabo sa crimen.
