CAGAYAN DE ORO CITY-Nadakpan sa kapolisan ang tulo ka suspected carnappers nga naglihok ning syudad.
Giila ni PO1 Yohan Piloton sa Carmen Police Station ang mga suspek nga sila si Randy Asilan, 21 ug mag-igsoon nga si Robert, 24 ug Sunny Sundulan, 27, pulos namuyo sa Sitio Dagundalon,Talakag,Bukidnon.
Miingon si Piloton nga nangayo’g tabang ang usa ka biktima hinungdan nasubay nila ang lokasyon sa mga suspek sa Bukidnon ug gilayong gipangsikop.
Kasuhan sa carnapping ug paghupot sa gidiling droga ang mga suspek sanglit nakuhaan usab sila sa tulo ka suspected shabu sachets.
Una niini,giangkon ni Alisan nga na biktima nila ang habal-habal driver apan mihimakak nga notado silang grupo sa carnappers.
