CAGAYAN DE ORO CITY-Kasuhan karong adlawa ni PDEA regional director Adrian Alvariño ang magtiayong Engr Rico ug Mary Ann Bacon ingon man ang laing Virgilio Toledo nga giingong sakop sa criminal group ni late Ozamiz City Mayor Reynaldo Parojinog Sr.
Kini human gi-ronda sa Martial Law Special Action Group o ML-SAG ang pinuy-anan nga giingong gipanag-iya sa mga Parojinog diha sa Apovel Subd,Brgy Bulua sa syudad kagahapong adlawa.
Miingon si Alvariño nga kasong paghupot sa giingong 45 gramos sa gitoohang shabu ang ikaso batok sa nadakpang mga suspek sa piskalya sa syudad ning adlawa.
Nabawi usab sa ML-SAG ang duha ka granada,9mm pistol,duha mahalong sakyanan,motorsiklo ug celphones.
Samtang kasuhan usab ni CIDG chief investigator SPO4 Noel Oclarit sa paghupot sa eksplosibo ug armas ang magtiayong Bacon ug Toledo diha sa piskalya sa syudad karong adlawa.
Kini human nakuhaan usab sa Martial Law Special Action Group ang giingong duha ka granada ug .9mm pistol gikan sa pinuy-anan sa mga suspek.
Gibutyag ni Oclarit nga makig-koordinar sila kabahin sa ilang pagkaso batok mga suspek sanglit lead agency sa maong operasyon ang PDEA-10.
Una niini,namugos si Bacon nga wala sila’y koneksyon sa pamilyang Parojinog ug wala kini manag-iya sa mga armas ug gidiling droga.
