CAGAYAN DE ORO CITY – Gipangkasuhan sa kapolisan sa kasupakan sa Republic Act 9165 o Dangerous Drugs Act of 2002 ang tulo ka suspected drug pushers nga nadakpan sa Regional Police Drug Enforcement Unit 10 kuyog ang ubang lower units sa Upper 15-26th Streets,Brgy Nazareth sa syudad.
Sumala sa RPDEU 10 nga apil sa mga nadakpan ang 23 anyos nga nagsilbing suspek numero uno nga taga-Brgy Cugman ingon man ang dinakpan nga 44 anyos ug laing 19 anyos nga babaye nga taga-Brgy Bugo ning syuda.
Nabawi gikan sa mga dinakpan ang 80 gramos nga gitoohang shabu nga dunay estimated market value nga sobra tunga-milyones pesos ug libo ka pesos nga marked money.
Sa imbestigasyon, nadakpan ang tulo sulod lang sa usa ka lawak.
Nasuta nga gikan pa sa lungsod sa Maguing,Lanao del Sur ang suplay sa ilegal nga droga nga nakasulod dinhi sa syudad.
Hisayrang kanhi na kasuhan sa susamang kasupakan sa balaod ang 19 anyos nga dinakan kaniadto apan nabuhian kay menor de edad pa kini atol sa operasyon.
