CAGAYAN DE ORO CITY – Nadakpan sa tropa sa Malaybalay City Police Station kuyog sa intelligence units sa Bukidnon Provincial Intelligence ug Regional Intelligence 10 ang tulo ka suspected drug personalities sa buy bust operation sa Sitio Tigbawan,Brgy Can-ayan,Malaybalay City,Bukidnon.
Matud ni Police Regional Office 10 spokepserson Major Joann Navarro nga giila sa arresting units ang mga dinakpan nga sila alyas Kokong,57 anyos; Nonoy,30 anyos ug Ryan,33 anyos nga tanan mga mag-uuma nga nagpuyo sa maong lugar.
Nabawi gikan sa mga dinakpan ang sobra 30 gramos nga gitoohang shabu nga dunay kantidad 211-mil pesos.
Nakuha usab gikan sa mga dinakpan ang ubang mga paraphernalia nga magamit sa pagligid sa kaso sa korte.
Gitakdang kasuhan sa pagsupak sa Comprehensive Dangerous Drugs Act of 2002 ang mga dinakpan sa piskalya sa Bukidnon.
