CAGAYAN DE ORO CITY – Sang-atan sa kasong pagsupak sa Republic Act 9165 o Comprehensive Dangerous Drugs Act of 2002 sa Philippine Drug Enforcement Agency 10 ang tulo ka gitoohang suspek sa pagpalusot sa ilegal nga droga sa piskalya ning adlawa.
Nasikop ang mga dinakpan kuyog ang Bulua Police Station ug PRO 10’s Regional Intelligence Unit sulod sa suspected drug den sa Brgy Canitoan ning syudad.
Miingon si PDEA 10 regional director Atty. Benjamin Gaspi nga pasiunang giila ang mga dinakpan nga sila Alyas Longz,43 anyos,maoy nagpadagan sa drug den ingon man si alyas Nicolie,20 anyos, empleyado ug laing 30 anyos nga si alyas Ronald nagpuyo magkalahi nga bahin sa dakbayan.
Sumala ni Gaspi nga nabawi gikan sa mga dinakpan ang 6 gramos nga gitoohang shabu nga adunay 40-mil 800 nga kantidad.
Kasamtangang detinado sa mini-cell ang mga dinakpan samtang naghulat sa mando sa korte nga isaka sila sa regular jail sa Brgy Lumbia sa dakbayan.
