CAGAYAN DE ORO CITY -Atubangon sa tulo ka lalaki nga gitudlong responsabli pagpangawat ug pag-ihaw sa mga binuhing baka ang kasong pagsupak sa Anti- Cattle Rustling Law of 1974 sa pipila ka mag-uuma sa lungsod sa Claveria,Misamis Oriental.
Kini human gika-alarma sa daghang mga tagbalay ang pagkawala sa ilang mga binuhing mga baka hinungdan nga mihimo’g operasyon ang Claveria Police Station diin nadakpan ang usa sa mga suspek nga si alyas Boy Baka sa Brgy Hinaplanan sa maong lungsod.
Subay sa pasangil nga nabantog na ang maong mga suspek sa paghimo sa kremin rason nga gihataga’g aksyon sa mga otoridad.
Hisayrang pagpang-uma ang nag-unang panginabuhi sa mga namuyo sa Claveria tungod sa talagsaong kabugnaw sa lugar itandi sa ubang lungsod sa Misamis Oriental.
