CAGAYAN DE ORO CITY – Patay ang tulo ka mga babayeng estudyante human malambigit sa road accident diha sa CM Recto, Barangay Gusa ning syudad karong adlawa.
Miingon si Cagayan de Oro City Police Office spokesperson Police Major Ivan Viñas nga maoy nagkabangga ang Chevrolet Colorado, nga gimaheno ni Jose Georlin, 49-anyos, residente sa 6th Division Barangay Patag ug former station manager sa Star FM-Cagayan de Oro ingon man ang usa ka Toyota MRS Sportscar nga gimaneho ni Rhett Lester Ang Gaeid, 21-anyos, ug residente sa Corrales St ning syudad.
Si Viñas miingon nga miggawas sa imbestigasyon nga nahitabo ang panagbangga dihang kalit miliko ang sportscar ug mibangga sa nakatagbo niini nga sakyanan.
Tungod sa kakusog sa impact, dead on the spot ang drayber sa sportscar nga si Gaeid ug kauban niini nga si Cameron Lilli Madrid, 21-anyos, taga Pasil, Kauswagan samtang gideklara nga dead on arrival ang laing kauban niini nga si Louise Gail Lagman, 20-anyos.
Gisuta sa kapulisan kon nakainom o hubog ang 21-anyos nga nagmaneho sa sportscar.
