CAGAYAN DE ORO CITY – Tolo na ka top NPA commanders ang misurrender sa 8th Infantry Brigade nga nakabase sa Bukidnon.
Gibutyag ni 1Lt Kenneth Cabiggat, Civil Military Operations (CMO) officer sa 8IB Phil Army nga ang pagtahan nahitabo sulod sa unang semana sa bulan sa Abril, ning tuiga.
Samtang, namahayag ang 4th Infantry Division Phil Army nga ang pagtahan sa mga rebel commanders nagpamatuod nga nagkalisud na ang rebolusyunaryong kalihukan sa bukid.
Matud ni Capt Reggie Go, tigpamaba sa 4ID nga libuang ihap sa mga rebelde ang na-enrol sa Enhanced Comprehensive Local Integration Program kon E-CLIP.
Miingon si Capt. Go nga daghan ang mitahan tungod kay nakita nila ang ka-sensiro sa Duterte Administration sa paghatag pagtagad sa dugay na nilang mga damgo, sama sa pagbaton sa kaugalingong balay nga hapsay ang pagpuyo ug pagbaton sa kaugalingong trabaho o panginabuhian.
