CAGAYAN DE ORO CITY-Mihimo na’g case profiling ang Crime Against Persons and Property Desk o CAPPD sa sunod-sunod nga pagpanulis sa syudad.
Kini human natulis sa magkalahi nga establisimiento sa tulo ka grupo sa mga tulisan diin anaa sa dili mominus 50-mil pesos ug mahalong kabtangan ang nadala gikan sa mga biktima.
Miingon si CAPPD head Police Capt Mario Mantala Jr nga dili organisado nga mga tulisan ang responsable pagtulis sa gasoline station sa Brgy Kauswagan,letsonan sa Brgy Gusa ug duha ka maghigala sa Brgy Macasandig sa syudad sa miaging gabii.
Giimbestigaran na sa CAPPD ang maong mga kaso diin naglakip sa mga biktima nga sila si John Michael Edralin;CJ Esejos ug Weljohn Tajor nga pulos nagpuyo sa syudad.
Migamit lamang sa mga kutsilyo ang wala mailang mga tulisan sa pag-atake sa ilang mga nahimong biktima.
