Nasakmit sa TNT Tropang Giga ang ilang ikatolo nga managsunod nga kadaugan human nila pildiha ang Meralco Bolts alang sa nagpadayong 49th season sa PBA Philippine Cup, sa Ninoy Aquino Stadium.
Gipanguluhan ni RR Pogoy ang winning team human niya gitapos ang dula sa 34 ka puntos, diin 16 niini iyang nahimo sa ika-upat nga quarter.
Laing 28 puntos ang napasulod ni Calvin Oftana, ug nagpakita sa sa kusog si Rey Nambatac human nakapuntos sa 13, bisan sa iyang gihambin nga groin injury.
Samtang sa Meralco Bolts, nasayang lang ang 23 ug 18 puntos nila puntos Cliff Hodge ug Chris Newsome human gikulang ang ilang team sa depensa.
Natapos ang dula sa final score 101-84
