CAGAYAN DE ORO CITY, Philippines – Mupahigayon sa mock elections sulod sa 30 ka barangay sa Luzon, Visayas ug Mindanao, ang Commission on Elections ning adlawa.
Gibutyag ni Comelec Spokesperson John Rex Laudiangco, nga ilusad sa poll bodyang aktibidad aron sutaon ang posibleng mga scenario ug suliran sa umalabot piliay sa Mayo.
Lakip sa e-asses sa buhatan ang automated election system (AES) nga maoy ilang gamiton sa piliay. Sugdan ang mock elections sa alas 7 sa buntag ug mahuman sa pagka-alas 10.
Dugtong niini, gitin-aw ni Comelec Chairman Atty George Erwin Garcia nga walay imprinta sa balota ang himoon sa National Printing Office (NPO), ning adlawa, human gi-apas sa Korte Suprema ang Temporary Restraining Order (TRO) ni kanhi senatorial candidate Francis Leo Marcos.
