CAGAYAN DE ORO CITY – Gibalhin na sa regular jail ang 30 ka basurero nga akusado sa kasong pagpangawat sa kontrobersyal nga mga basura sa Verde Soko Philippines Incorporated nga gikustodiya sa Bureau of Customs sa Sitio Bugwak,Brgy Sta Cruz,Tagoloan,Misamis Oriental.
Kini human unang nasapon ang mga akusado nga nanguha sa mga basura nga nagsilbing ebedensiya sa Customs batok sa Verde Soko nga nagpalusot niini gikan sa South Korea sa lalawigan tuig 2017.
Miingon si Tagoloan Police Station commander Police Maj Allan Oniana nga usa pa lamang sa 30 ka akusado ang naka-piyansa sa maong kaso sukad nasikop sa miaging semana.
Kabahin sa mga akusado nga pulos taga-Brgy Carmen ning syudad ang naglakip nila ni Alex Medio;Arlon Gamayaon;Marlito Bonghanoy;Quitillano Palak Jr;Almar Enrequiz;Rosalyn Edoria;Christopher Lamantucan;Resie Minister;Dennies Montero;Wendell Apoya;Wella Lagrada; Belen Siguay;Melania Agustin;Jennefer Cape;Alvin Loretero;Rosana Medio;Maricil Mabale;Nimpa Jadlawan;Timmy Edoria;Cerilena Mial;Kharen Manrawat;Dian Agustin;Gloria Ayoman;Joseph Sabit; Manrawat Ferdinand;Garry Mial;Freddie General; Erlido Palarig;Karen Sabit ug Elmor Sabit.
Samtang gipanganti ni Mindanao Container Terminal o MCT port collector John Simon nga mabalik sa South Korea ang mga basura nga gilabay sa Verde Soko Philippines Incorporated diha sa Sitio Bugwak,Brgy Sta Cruz,Tagoloan Misamis Oriental.
Giangkon ni Simon nga wala pa mahuman ang re-packing ug containerizing sa mga basura bisan nga Hunyo 30 unta ang target nga mabiyahe ang mga basura pabalik sa MCT ayha i-biyahe sa South Korea.
Gipasalig ni Simon nga dili niya biyaan ang MCT hangtud dili mabalik ang nabilin nga 5-mil tonelada nga basura a South Korea.
Una niini, bayran sa kompanyang Verde Soko ang P7.5 million nga gikinahanglang pondo alang sa pagpabalik sa mga basura.
