CAGAYAN DE ORO CITY – Gipasabot ni Presidential spokesperson Harry Roque nga mahimo gihapon nga itamod sa publiko sa mga kalag bisan kon nahukman sa IATF national nga sirad-an ang mga menteryo sugod Oktubre 29 hangtod Nob 4 ning tuiga.
Miingon si Roque nga gitugot gihapon sa IATF ang 30 porsiento nga pagbisita sa mga tawo sugod ning bulana hangtod sa Oktubre 28 aron mahatagan sa higayon ang katawhan sa pagduaw sa ilang mga minatay.
Gipasabot sa kalihim nga gikinahanglan kining buhaton sa gobierno aron limitahan ang dugang local transmission sa COVID-19.
Samtang nakahukom na si City Mayor Oscar Moreno nga did-an ang katawhan makasulod sa pribado ug pampublikong menteryo sa pag-obserbar sa adlaw sa mga santos ug kalag sa syudad ning tuiga.
Gibutyag ni Moreno nga prioridad niini ang seguridad sa panglawas sa katawhan rason nga ipatuman niini ang hukom sa IATF-national nga pagdili sa mga tawo sa maong mga petsa nga moduaw.
Giaghat na lamang sa mayor ang publiko nga mag-iya iya na’g bisita samtang dili pa moabot ang Oktubre 29 hangtod Nob 4 aron may igo pa sila nga panahon niini.
