CAGAYAN DE ORO CITY – Dili lamang 20 apan 30 ka babaye ug lalaki ang nasikop sa kapolisan tungod sa pasangil nga misulay pagpangawat sa mga basura sa Verde Soko Philippines Incorporated nga nahimutang sa Bugwak,Brgy Sta Cruz,Tagoloan,Misamis Oriental.
Kini human may nakakita kanila nga miaksyon na’g alsa sa mga sako nga puno sa imported nga mga basura paggawas sa maong lugar.
Miingon si Tagoloan Police Station commander Police Maj Allan Oniana nga kuyog ang Bureau of Customs,kasuhan nila sa pagpangawat ug obstruction of justice ang mga suspek sa piskalya sunod semana.
Namahayag si Oniana nga gipatug-an usab niini ang mga suspek kon kinsa ang agsugo kanila sa paghimo maong kremin.
Ang maong mga basura ang gigamit nga ebedensiya sa Customs batok sa mga kaso batok Verde Soko nga nagpalusot niini pasulod sa lalawigan sugod tuig 2018.
Kabahin sa mga suspek sila si Alex Medio;Arlon Gamayaon;Marlito Bonghanoy;Quitillano Palak Jr;Almar Enrequiz;Rosalyn Edoria;Christopher Lamantucan;Resie Minister;Dennies Montero;Wendell Apoya;Wella Lagrada; Belen Siguay;Melania Agustin;Jennefer Cape;Alvin Loretero;Rosana Medio;Maricil Mabale;Nimpa Jadlawan;Timmy Edoria;Cerilena Mial;Kharen Manrawat;Dian Agustin;Gloria Ayoman;Joseph Sabit; Manrawat Ferdinand;Garry Mial;Freddie General; Erlido Palarig;Karen Sabit ug Elmor Sabit diin pulos naggikan sa landfill sa Brgy Carmen ning syudad.
Samtang nanganti si Mindanao Containter Terminal o MCT collector John Simon nga mabutang sa peligro kadtong grupo nga mangahas pagkawat sa mga basura nga ubos sa pagtaral sa korte ning syudad.
Kini human sulayi’g kawat sa 30 ka tawo ang mga basura sa Verde Soko Philippines Incorporated nga anaa diha sa Bugwak,Brgy Sta Cruz,Tagoloan,Misamis Oriental.
Miingon si Simon nga gibatungan na niya’g mga armadong guwardiya aron dili na masubli nga sudlan sa laing mga tawo aron pangawaton ang mga basura sa South Korea nga anaa ubos sa pagdungog ang kaso sa korte.
Dumduman nga ang maong mga basura ang gitakdang ibalik na sa South Korea sulod ning bulana.
