CAGAYAN DE ORO CITY – Misaka pa sa kapin 30 ka tawo nga mi-angkong nafood poison sa pagkaong gikonsomo sa BORJ Tuna at Iba pa nga nahimutang sa M-H del Pilar Sts ning syudad.
Kini base sa nakuhang report ni Pol Capt Rojie Ortencio, hepe sa Divisoria Police Station.
Sa pakighinabi sa Bombo Radyo, gitin-aw ni Captain Ortencio nga usa ra ka reklamante ang nagpatalag reklamo sa ilang buhatan.
Mulusad sab sila sa ilang kaugalingong imbestigasyon sa hitabo kuyog ang mga hingtungdan ahensya sama sa Department of Health.
Una niini, usa ka Felany Faborada ang nagpatalag reklamo nga nahospital ang iyang bana kay nakakonsomo sa sea foods sa maong kan-anan niadtong adlaw’ng dominggo.
Nagtrending sab sa social media ang mga nagbaha nga reklamante sa BORJ Tuna at Iba pa.
