CAGAYAN DE ORO CITY – Nabawi ang dul-ag 30 na ka armas sa Lanao del Sur Provincial Police Office sukad gipatuman sa Enero 1 2019 ang ilang kampanya batok loose firearms.
Namahayag sa Bombo Radyo si Lanao del Sur Provincial Police Office Director Police Colonel Madzghani Mukaram nga tipik sa mga armas nga ilang nakuha maoy resulta sa ilang gipakusog nga kampanya batok walay lisensya mga mga armas.
Gipasalamatan ni Mukaram ang mga Local Government Units o LGUs nga mitabang sa ilang kampanya tungod kay sila mismo ang boluntaryo miturnover sa daghan armas gikan sa ilang mga ginsakupan.
Una niini, gibutyag ni Mukaram nga nagpadayong malinawon ang tibook probinsya sa pagresume sa campaign period sa ilang lugar human sa Senama Santa.
