CAGAYAN DE ORO CITY – Gidugangan sa City Management of the Dead sa laing 20 ka patheon o lubnganan nga gi-reserba aron maoy dinalian nga pahimutangan sa namatay’ng mga suspected o kompirmadong infected sa COVID-19 dinhi sa dakbayan.
Kini ang pagpangandam sa city govt samtang madugayan pa ang pagbalik sa operasyon sa nag-sira nga crematurium sa Divine Shepherd diha sa Brgy Bulua sa syudad.
Gibutyag ni CLENRO officer Engr Armen Cuenca,head sa city mgnt of the dead nga tuyo sa paggahin sa 30 ka patheon nga dili mahisama ang syudad sa Valencia City nga giagi sa’ mass burial.
Hangtod 10 ka patay’ng lawas lamang kaya ma-cremate sa crematurium sa Cosmopolitan Funeral Homes nga bugtong nag-operate sa pagkakaron.
Samtang mitabang na ang city govt nga mapadali ang paghidangat sa dugang ekipo nga gamiton sa bag-ong crematurium facility sa Divine Shephered aron dali makabalik ang operasyon niini diha sa Bgy Bulua ning syudad.
Kini maoy gipartida ni City Mayor Oscar Moreno nunot sa pagtambong niini sa virtual conference nga gihimo sa DENR-EMB 10 kuyog ang tigdumala sa punerarya ug homeowners sa maong lugar.
Una nang giangkon sa mayor nga makabalda ang pagkasira sa crematurium ilabina nga anaa sa 300 ka patay’ng lawas sa tawo ang kaya niini ma-cremate kada-adlaw.
