CAGAYAN DE ORO CITY – Gidakop sa Police Regional Office 10 o PRO-10 ang 30 ka indibidwal sa sunod-sunod nga anti-drug operations nga gipahigayon sa Northern Mindanao gikan Marso 7 hangtod 9, 2025.
Kini human nasakmit sa lower units ang 312.485 gramos nga gitoohang shabu nga nagkantidad sa kapin 2-milyones pesos.
Matud ni PRO 10 regional director Brig Gen Jaysen De Guzman ang maong operasyon usa ka lig-on nga paningkamot aron wagtangon ang droga sa rehiyon ug mapadayon ang kalinaw ug kasiguruhan sa komunidad.
Ang operasyon gibuhat pinaagi sa 25 ka buy-bust operations, diin nakuha ang daghang gidaghanon sa shabu, lakip sa mga nadakpan ang mag-amahan Tagoloan, Misamis Oriental ug laing duha ka drug suspect sa Kalilangan, Bukidnon.
Dugtong niini,ang mga nadakpan mag atubang sa kasong paglapas sa Republic Act 9165 o Comprehensive Dangerous Drugs Act of 2002 ug karon anaa sa custodial facility alang sa saktong proseso.(Bombo James Oliver).
